دفاعي او امنیتي ځواکونه د افغانستان د دښمنانو پر وړاندې په لوړ مورال او کلک هوډ مبارزه کوي

s.mohmand
Sat, Feb 27 2021 8:29 PM
دفاعي او امنیتي ځواکونه د افغانستان د دښمنانو پر وړاندې په لوړ مورال او کلک هوډ مبارزه کوي

د ملي دفاعي او امنیتي ځواکونو د ملي ورځې (د کب نهمې) په مناسبت جوړه شوې لمانځغونډه کې د افغانستان ولسمشر او د وسلوال پوځ سر اعلی قوماندان محمد اشرف غني, د جمهوري ریاست لومړي مرستیال امرالله صالح, د جمهوري ریاست دویم مرستیال سرور دانش, د دولت لوړ پوړو چارواکو او د کابینې غړو, د ولسې جرګې استازو, جنرالانو, افسرانو او سرتیرو, ګډون درلود.

د ملي اردو د یو شهید مور "حمیدې" په دې غونډه کې د خلکو د دفاع په لار کې د خپل قرباني شوي ځوي په اړه وویل: ویاړي چې ځوي یې د هېواد او خلکو د ساتنې په لار قرباني ورکړه او چمتو دي چې خپل نور اولادونه هم ملي اردو ته واستوي تر څو د هېواد د دښمنانو پر وړاندې مبارزه وکړي.

همدا راز د ملي اردو یو افسر جګړن "شاه زمان" چې خپله یوه پښه یې تروریزم سره د مبارزې په لاره کې د لاسه ورکړې په خپلو خبرو کې وویل: ځامن مې تشویق کړي دي چې د ښوونځي څخه تر فراغت وروسته د خپل پلار لاره تعقیب کړي, ملي اردو لیکو ته راشي او د هېواد د خلکو ساتنه وکړي.

ولسمشر غني په خپلو خبرو کې د دفاعي او امنیتي ځواکونو له سرښندنو سایینه او قدردانی وکړ او ټینګار یې وکړ چې د هېواد سرتیري په لوړه روحیه او کلک هوډ د افغانستان د دښمنانو پر وړاندې جنګیږي او زموږ درې رنګه بیرغ یې د هېواد په ګوټ ګوټ رپانده ساتلی دی.

همدا راز ولسمشر زیاته کړه: د جنګ په ډګر کې د دفاعي او امنیتي ځواکونو میړانو او سرښندنو, افغانستان پیاوړی او محکم ساتلی دی. تاسې د نظام ځواکمنې ستنې یاست له دې کبله تاسې په نویو وسلو او تجهیزاتو سمبالول د دولت د برنامو په لومړیتوبونو کې ځای لرﺉ.

ولسمشر غني ملي دفاعي او امنیتي ځواکونو ته کب د نهمې د مبارکۍ تر څنګ وویل: دا ورځ ټول افغانان د هېواد په ګوټ ګوټ په ډیر ویاړ سره لمانځي.

د ملي دفاع لومړي مرستیال شاه محمود میاخیل او سرپرست ملي دفاعي او امنیتي ځواکونو ته د سرتیري د ملي ورځې مبارکي وویله او هغه ټول اتلان چې د هېواد په بیلابیلو نقطو کې د دفاع په سپیڅلو دندو بوخت دي وویل: د دفاعي او امنیتي ځواکونو له پاره سږنی کال تر ټولو کلونو سخت کال وو, له یوې خوا د کرونا ویروس فشار, د سولې خبرې او له بلې خوا د طالبانو له لوري د امتیازاتو اخيستلو له پاره د جنګ فشار ډیریدل؛ اما په ټولو ستونزو بریالي کیدل د دې هېواد د زړورو بچیانو د کلک هوډ او قوي ارادې ښودونکی دی.

د ملي دفاع لومړي مرستیال د ولسمشر د ځانګړې پاملرنې مننه وکړه او ډاډ یې ورکړ چې دا ځواکونه به د افغانانو څخه په هر ډول شرايطو کې ساتنه کوي.

Latest news

Sat, Jan 27 2024 4:14 PM
Background image

Reaction of Haiz Fasihuddin Fetrat against Pakistani Military Officials

In response to the recent statements by Pakistani military officials, General , Hafiz Fasihuddin Fetrat  the Chief of the Joint Staff of the Afghan Army, rejected the baseless. . .

Tue, Nov 14 2023 10:44 PM
Background image

Acting Defense Minister Meets With The newly Turkish Ambassador for Afghanistan 

Mawlavi Mohammad Yaqoob Mujahid, Acting Ministry of National Defense met with the newly appointed ambassador of Turkey, Cenk Ünal for Kabul in his office.

Meanwhile, the Acting. . .

Sat, Nov 04 2023 11:15 AM
Background image

The first Deputy Defense Minister visits Torkham to welcome Afghan immigrants

Mullah Mohammad Fazil "Mazloom", the first deputy of the Ministry of National Defense, and his accompanying delegation visited the Torkham to welcome the Afghan immigrants who were. . .

BACK TO NEWS