د ملي دفاع سرپرست وزیر ننګرهار کې د ډيورنډ فرضي کرښې، د اردو له مېشتو قطعاتو او جزوتامونو لېدنه وکړه
نن د ملي دفاع سرپرست وزیر مولوي محمد يعقوب «مجاهد» ننګرهار ولايت ته د سفر په ترڅ کې د ۲۰۱ خالد بن ولید قول اردو اړوند د اردو د مېشتو قطعاتو او جزوتامونو ترڅنګ د اچين، غني خيلو، نازيانو مهمندرې، لعلپورې او ګوشتې ولسواليو کې د ډيورند له فرضي لېدنه وکړه.
د ملي دفاع سرپرست وزیر د دغه سفر په ترڅ کې د اړوندو مسوولينو سره په يو شمېر موضوعاتو خبرې وکړې او له دفاعي ځواکونو يې د خاورې په ساتنه او امنيت د تینګښت په برخه کې ستاينه وکړه.
د ملي دفاع سرپرست وزیر د دغه لیدنو په ترڅ کې له مجاهدينو د لا بیدارۍ او د هېواد د ځمکنۍ بشپړتيا د دفاع په برخه ټينګار وکړ او له هغوی وغوښتل، چې خلکو سره د خدمت کولو په برخه کې هر اړخيزه همکاري وکړي.
د ملي دفاع سرپرست وزیر د مسوولينو د ستونزو او وړانديزونو اورېدو ترڅنګ هغوی ته لازمې ښوونې وکړې.
