د حضرت عبدالله ابن مسعود رض د جګړه ایزو ګډو زده کړو قوماندانۍ څخه (۱۲۰۰) تنه مجاهدین فارغ شول

web_admin
Sun, Sep 10 2023 9:00 PM
د حضرت عبدالله ابن مسعود رض د جګړه ایزو ګډو زده کړو قوماندانۍ څخه (۱۲۰۰) تنه مجاهدین فارغ شول

د ملي دفاع وزارت اړوند د حضرت عبدالله ابن مسعود رض د جګړه ایزو ګډو زده کړو قوماندانۍ د سرتیرو بنسټیزو زده کړو له ښوونځي (۱۲۰۰) تنه مجاهدین له درې نیم میاشتني پوځي، نظري او مسلکي زده کړو څخه نن د یو لړ ځانګړو مراسمو په ترڅ کې فارغ شول.

دغو مراسمو کې د ا.ا.ا د کابینې غړو، د وسلوال پوځ لوی درستیز الحاج قاري فصیح الدین "فطرت"، او د ملي دفاع وزارت ګڼ شمېر رئیسانو، مسؤلینو، مشرانو او منسوبینو ګډون درلود.

د لوړو زده کړو سرپرست وزیر شیخ ندامحمد "ندیم" یادو فارغانو ته د مبارکۍ ترڅنګ په وینا کې وویل: تاسو باید په پوره اخلاص او صداقت سره ددغه اسلامي نظام او ولس خدمت وکړئ، په هر کار کې له صبر او استقامت څخه کار واخلئ او ټول توکل مو باید یوازې په الله ج وي، د خپلو مسلکي زده کړو ترڅنګ په عقیدوي زده کړو ځان سمبال کړئ

او همدا راز یې زیاته کړه، چې د حق په مقابل کې له هیچا څخه مه ویریږئ، د حق طرفدار اوسئ او د خپل امیر هر فرمان ته متوجې اوسئ.

ورته مهال د وسلوال پوځ لوی درستیز پخپلو خبر کې وویل: د ا.ا.ا او ملي دفاع وزارت رهبري یوې منظمې او ژمنې اردو جوړولو ته ژمن دي، موږ هڅه کوو چې یوه داسې منظمه اردو جوړه کړو ترڅو د هیواد له سرحداتو او ملي حاکمیت څخه دفاع وکړي، زموږ له اردو جوړولو څخه هدف جنګ نه بلکې د ولس خدمت او هیواد څخه دفاع ده چې زموږ پوځ دا ازموینه ورکړې ده او هر ډول ایثار او قربانۍ ته چمتو ده.

همدارنګه یې زیاته کړه چې په تېر شل کلن جهاد کې اسلامي امارت نړۍ ته دا وښودله چې هیڅ یو بهرنۍ نشي کولای زموږ په هیواد کې خپل شوم اهداف عملي کړي او هېچا ته دا اجازه نه ورکوي چې دلته خپل اهداف عملي کړي.

د یادونې وړ ده چې دوه ورځې وړاندې یادو فارغ شویو مجاهدینو په نوموړي قوماندانۍ کې عملي تطبیقات هم ترسره کړل او یاده ښوونځي د تیر کال په پرتله تر نهه زره مجاهدینو د فراغت ضرفیت لري. 

په پای کې فارغ شویو مجاهدینو خپل پوځي نمایشات او نظامي زده کړې په عملي ډول وړاندې کړې او د لوژ له مخې په عالي نظم د مسؤلینو په وړاندې تیر شول او خپل ستاینلیکونه یې د مسؤلینو په لاس ترلاسه کړل.

Latest news

Fri, Sep 29 2023 12:35 PM
Background image

IEA Supreme Leader Visits 205 Al-Badr Army Corps 

The Islamic Emirate of Afghanistan Supreme Leader Mawlavi Hibatullah Akhundzadeh and the delegation which accompanied him visited the 205 al-Badr army corps, yesterday. 

In this. . .

Sun, Sep 24 2023 9:21 AM
Background image

Acting Defense Minister visits the Commanding hospital of the Chief of staff

Mawlavi Mohammad Yaqoob “Mujahid” Acting Ministry of National Defense visited the various newly created sections and the polyclinic of the Commanding health of the Chief of staff while. . .

Sun, Sep 03 2023 10:28 AM
Background image

Acting Defense Minister meets with the Turkish Ambassador in Kabul 

Mawlavi Mohammad Yaqoob Mujahid, Acting Ministry of National Defense met with Cihad Erginay the Turkish ambassador in Kabul, yesterday.

In this meeting, the Acting Minister of Defense. . .

BACK TO NEWS