د وسله وال پوځ لوی درستیز په کندز ولایت کې د تازه امنیتي پلانونو د عملي کېدو هدایت ورکړ
د وسله وال پوځ لوی درستیز ستر جنرال محمد یاسین "ضیا"، د کندز ولایت د امنیتي وضعیت د ارزونې او د تازه عملیاتي پلانونو د څېړنې په موخه دغه ولایت ته ولاړ.
د وسله وال پوځ لوی درستیز، د ۲۱۷ پامیر قول اردو له قوماندان، د ستر درستیز د ارکان رییس او د قول اردو د جنرالانو او افسرانو سره په لیدنه کې، تازه امنیتي پلانونه وړاندې شول او د وسله وال پوځ لوی درستیز هدایت ورکړ څو د کندز ولایت د لا ښه امنیت د ټینګښت او د خلکو د ځان او مال د ساتنې لپاره امنیتي ځواکونه خپلې هڅې لا زیاتې کړي.
د ۲۱۷ قول اردو قوماندان برید جنرال یزداني، په کندز ولایت کې د دفاعي او امنیتي ځواکونو له هڅو او لاسته راوړنو راپور ورکړ او وې ویل چې د هرې ورځې په تېریدو سره وضعیت ښه کېږي.
د وسله وال پوځ لوی درستیز د دفاعي او امنیتي ځواکونو له لاسته راوړنو او هڅو ستاینه وکړه او د قول اردو مسوولانو ته هدایت وکړ څو د سرتیرو د ستونزو د حل په برخه کې جدي پاملرنه وکړي.
