د وسله وال پوځ لوی درستیز ستر جنرال محمد یاسین ضیا هلمند ولایت ته ولاړ
د وسله وال پوځ لوی درستیز ستر جنرال محمد یاسین ضیا د دفاعي او امنیتي ځواکونو د ملاتړ او ستاینې په موخه نن هلمند ولایت ته ولاړ.
د هېواد لوی درستیز د هلمند له والي او امنیتي چارواکو سره په ګډه امنیتي غونډه کې ګډون وکړ، امنیتي راپور یې واورید او د هلمند د وضعیت د لا ښه والي په موخه یې لازم هدایات صادر کړل.
د وسله وال پوځ لوی درستیز د هلمند امنیتي چارواکو ته یو ځل بیا ډاډ ورکړ چې د ملي دفاع وزارت رهبري ددغه ولایت د امنیت لا ښه والي ته جدي او هر اړخیزه پاملرنه لري.