د ملي دفاع سرپرست وزیر د ستر درستیز د روغتیایي چارو قوماندانۍ له مراکزو څخه لیدنه وکړه
د ملي دفاع وزارت سرپرست وزیر مولوي محمد یعقوب "مجاهد" په داسې حال کې چې د روغتیایي چارو قوماندان الحاج دوکتور محمدطاهر "احرار" یې ملتیا کوله د ستر درستیر د روغتیایي چارو قوماندانۍ له بېلابېلو نویو جوړې شویو څانګو او پولیکلینک څخه لیدنه وکړه.
د روغتیایي چارو مسؤلینو او ډاکټرانو خپل ګذارشونه، پشنهادات، فعالیتونه، لاسته راوړنې او همدارنګه نوې فعالې شوې څانګې اندوکرینولوژي، سيټي سکن دستکا، او طبي ماشین الاتو فعالیدل له رهبري سره شریک کړل.
ورپسې د ملي دفاع سرپرست وزیر مولوي محمد یعقوب "مجاهد" له ناروغانو سره د نیک چلند په کولو او نویو څانګو او ماشین الاتو په فعالیدلو سره د دوی شپه او ورځ هڅې وستایلې او همدا راز د دوی د ستونزو او مشکلاتو د حل کولو ډاډ یې ورکړ.
