د ملي اردو ١٤٧ تنه بریدملان د ښوونیز مرکز څخه فارغ شول
د ٢٠٥ اتل قول اردو د پوله ساتو ځواکونو د دریمې لوا د ښوونیز مرکز څخه د ٤ تنه ښځينه وو په ګډون ١٤٧ تنه ټیم مشران (بریدملان) د یو لړ نظامي ښوونو وروسته فارغ شول.
دا بریدملان همدا اوس په پوره توګه د ترهګرو په مقابل کې د ګران هیواد ساتنې ته چمتو دي.
یادو فارغ شوو سرتیرو ژمنه وکړه، چې د خلکو د مال او ځان ساتنه به کوي او د هیواد د سولې او ثبات د دښمنانو په مقابل کې به د هیڅ ډول هڅې ډډه نه کوي.
د ٢٠٥ اتل قول اردو په ښوونیز مرکز کې د دې بریدملانو د فراغت مراسم نیول شوي وو.
