د غزني ولایت جغتو ولسوالۍ وروسته له دوو کلونو له طالب ترهګرو آزاده شوه

zia_omid
شنبه ۱۳۹۸/۶/۳۰ - ۲۱:۴۴
ولسوالى جغتو ولايت غزنى آزاد گرديد

د مبین عملیاتو په د دویم پړاو په ترڅ کې چې تېره ورځ د دفاعي او امنیتي ځواکونو لخوا د غزني ولایت په شمال کې پیل شوي وو، د ياد ولایت جغتو ولسوالۍ وروسته له دوو کلونو په پشپړه توګه د طالب ترهګرو له شتونه پاکه او آزاده شوه.

د دغو عملیاتو په ترڅ کې زیات شمیر ځای پر ځای شوي ماینونه خنثی شوي او دښمن ته تلفات هم اوښتي دي چې دقیقه شمیره به یې وروسته خپره شي.

د جغتو ولسوالۍ په آزادیدو سره، د غزنی ولایت مالستان، جاغوري، اجرستان او ناوړ ولسوالۍ ددغه ولایت له مرکز سره ونښلول شوې. د هېواد دفاعي او امنیتي ځواکونه د خلکو د ځان او مال د امنیت ټینګښت ته ژمن دي او د جغتو شریف ولس ته د دوی د امنیت د ټینګښت ډاډ ورکوي.

د یادونې وړ دی چې د مبین عملیات په دریو پړاونو کې د روان کال د وږې له ۱۲مې څخه په غزني ولایت کې پیل شول. په لومړي پړاو کې ددغه ولایت په سویل کې پراخ عملیات پیل شول او درانه تلفات طالب ترهګرو ته واوښتل، ددغو عملیاتو دویم پړاو هم تېره ورځ د جغتو ولسوالۍ او قیاق درې د آزادیدو په موخه پیل شو چې په بریالیتوب سره پایته ورسیدل او ددغو عملیاتو دریم پړاو به په غزني ولایت کې د نمبر یک لويې لارې د امنیت د ټینګښت په موخه د عملیاتو ترسره کول وي.

د مبین عملیات په غزني کې د 203 تندر قول اردو د دریمې لوا د پخواني قوماندان شهید بريد جنرال عبدالمبين مجتبی د سر ښیندنو او زحمتونو په درناوي د نوموړي په نامه نومول شوی.

وروستي خبرونه

یکشنبه ۱۳۹۸/۱۱/۲۷ - ۱۶:۳۴
Background image

د ملي اردو ١٤٧ تنه بریدملان د ښوونیز مرکز څخه فارغ شول

د ٢٠٥ اتل قول اردو د پوله ساتو ځواکونو د دریمې لوا د ښوونیز مرکز څخه د ٤ تنه ښځينه...

پنجشنبه ۱۳۹۸/۱۱/۲۴ - ۲۲:۲۹
Background image

‏‎د ناټو سازمان غړیو هېوادونو یو ځل بیا له افغان امنیتي او دفاعي ځواکونو د ملاتړ او همکاریو د دوام ژمنه وکړه

د ناټو د غړیو هېوادونو د دفاع وزیرانو د ناستې پر دویمه ورځ د افغانستان په اړه بحث او خبرې...

پنجشنبه ۱۳۹۸/۱۱/۲۴ - ۲۱:۵۳
Background image

د ملي دفاع سرپرست وزیر، د امریکا د متحدو ایالاتو د دفاع له وزیر سره وکتل

د ملي دفاع سرپرست وزیر ښاغلي اسدالله خالد، په بروکسل کې د ناټو د غړو هېوادونو د دفاع...

بېرته خبرونه ته