دایکندي ولایت ته د ملي دفاع وزارت د سرپرست اسدالله خالد سفر
د ملي دفاع وزارت سرپرست اسدالله خالد، د دایکندي ولایت د امنیتي وضعیت د څېړلو په موخه نن هغه ولایت ته سفر وکړ.
په دې سفر کې، د ملي دفاع وزارت سرپرست، د دایکندي له والي محمد ضیا "همدرد"، د ۲۰۵ اتل قول اردو له قوماندان، ددغه ولایت له امنیې قوماندان، د ملي امنیت له رییس او په دې ولایت کې د پولیسو د ځانګړې قطعې له قوماندان سره ولیدل، او ددغه ولایت د امنیتي وضعیت د لا ښه والي په موخه لازم هدایات صادر کړل.
په دې سفر کې د ملي دفاع وزارت سرپرست، ددغه ولایت د ولایتي شورا له استازو سره هم ولیدل او د دوى ستونزې او غوښتنې یې واوریدې.
همداراز د ملي دفاع وزارت سرپرست په دې سفر کې، د دایکندي ولایت په مرکز نیلي ښار کې له نږدې له خلکو سره ولیدل.
