فراه ولایت ته د ملي دفاع وزارت د سر پرست سفر
د ملي دفاع سر پرست وزیر اسد الله خالد په داسې حال کې، چې د کورنیو چارو وزارت سر پرست محمد مسعود اندرابي، د ناتو عمومي قومندان سکات مېلر او د ملي امنیت سر پرست هم ور سره و، د فراه ولایت د انار درې ولسوالۍ د امنیتي حالت د ارزونې په موخه یاد ولایت ته تللي و.
د ملي دفاع سر پرست وزیر د امنیتي ګزارشونو د اورېدونه وروسته په فراه ولایت کې میشتو امنیتي او دفاعي ځواکونو ته د امنیت د ښه والي په برخه کې لازمې لارښوونې وکړې.
همدارنګه د ملي دفاع سر پرست وزیر د انار درې له ولسوالۍ څخه د ترهګرو د شړلو په موخه د دفاعي او امیتي ځواکونو پوځي کړنې و ستایلې.
