په افغانستان کې د انګلستان سفیر او د افغانستان او پاکستان لپاره د برېتانیا له ځانګړي استازي سره د ملي دفاع وزارت سرپرست وزیر لیدنه
دملي دفاع وزارت سرپرست اسدالله خالد په افغانستان کې د انګلستان سفیرې مېرمن الیسن بلیک او د افغانستان او پاکستان لپاره د برېتانیا له ځانګړي استازي ښاغلي ګرېټ بیلي سره د ملي دفاع وزارت په ودانۍ کې نن تر غرمې وروسته وکتل.
په دغه لېدنه کې، د افغانستان د امنیتي حالت، له افغان امنیتي ځواکونو سره د برېتانیا په مرستو او همکاریو، د دوه اړخیزو اړیکو په پراختیا او د ترهګرۍ پر وړاندې په مبارزې خبرې اترې شوې.
اسدالله خالد له افغانستان سره د برېتانیا له مرستو په مننې سره وویل چې د دغه هېواد مرستې په امنیتي برخې کې ټولو ته څرګندې دي او موږ غواړو چې دغه مرستې په همدې ډول ادامه ولري.
په افغانستان کې د انګلستان سفیر او د افغانستان او پاکستان لپاره د برېتانیا ځانګړي استازي د خپل هېواد د مرستو او همکاریو د ادامې ډاډ ورکړ.
