د ۲۱۵ او ۲۰۵ قول اردوګانو لپاره تازه قوماندانان وګمارل شول
د ملي دفاع وزارت په وړاندیز او د جمهوري ریاست د عالي مقام په منظورۍ، برید جنرال سید سمیع "سادات" د ۲۱۵ میوند قول اردو او برید جنرال شفیق الله "رسول زی" د ۲۰۵ اتل قول اردو د تازه قوماندانانو په توګه وټاکل شول.
برید جنرال سید سمیع "سادات" مخکې له دې د ملي دفاع وزارت د ګډو ځانګړو عملیاتو د قوماندان په توګه او همداراز برید جنرال شفیق الله "رسول زی" مخکې له دې د ۲۰۱ سیلاب قول اردو د قوماندان په توګه دندې ترسره کولې.
دغو تازه ګمارل شویو قوماندانانو چې نن د ملي دفاع وزارت د ستر درستیز د ارکان رییس ډګر جنرال محمد حبیب "حصاري" له لوري معرفي شول او خپلې دندې یې رسمآ پیل کړې، هېواد ته د صادقانه خدمت او د خلکو د ځان او مال د ساتنې او د افغانستان د دښمنانو پر وړاندې د جدي مبارزې ژمنه وکړه.
