د ۲۰۱ سیلاب قول اردو څخه د سيمه ايزې اردو ۴۸۱ تنه سرتيري فارغ شول
د ۲۰۱ سیلاب قول اردو ښوونیز مرکز څخه د ملي اردو ۴۸۱ تنه سېمه ایز سرتيري د اته اونیو بنسټیزو پوځي زده کړو وروسته، فارغ شول.
دا سرتېري به د ننګرهار او لغمان ولایتونو یو شمېر ولسوالیو ته امنیت د لاټینګښت په موخه واستول شي.
د سرتیرو د فراغت په مراسمو کې د ۲۰۱ سلاب قول اردو قوماندان برید جنرال عبدالجبار وفا، د قول اردو مرستیال، درستيزوال، د لغمان ولايت مرستيالې بريښنا ساپۍ، ، یو شمېر افسرانو او د يادو ولايتونو مخورو مشرانو، ديني عالمانو او ځوانانو، ګډون درلود.
دغو تازه فارغ شویو ځواکونو ډاډ ورکړ، چې په هېواد کې به د تل پاتې سولې او ارامتیا د ټینګښت په موخه په ټول ځواک سره هڅه وکړي او هېچاته به اجازه ورنکړي چې هېوادوالو ته زیان ورسوي.