د وسلوال پوځ لوی درستیز مرستيال د يو پلاوي په مشرۍ بدخشان ولايت ته سفر وکړ
د وسلوال پوځ لوی درستيز مرستيال حاجي مالي خان د يو پلاوي په مشرۍ د امنيتي وضعيت د ارزونې په موخه بدخشان ولايت ته سفر وکړ او هلته يې د ۲۱۹ عمر ثالث فرقې څخه لېدنه وکړه.
د لوی درستيز مرستيال په دغه سفر کې د ۲۱۹ عمر ثالث فرقې له قوماندان ملا محمد حافظ «مجاهد» سره د ياد ولايت د امنيتي وضعيت د ارزونې تر څنګ د دغه فرقې د البسې د کمبود او د مجاهدينو د اړتياوو د پوره کولو په تړاو خبرې وکړې او ډاډ يې ورکړ، چې د هغوی ستونزو ته به رسېدنه وشي.
همدا راز د لوی درستيز مرستيال د دغه سفر په ترڅ کې په بدخشان ولايت کې د لومړۍ پلې لوا او اتمې سرحدي لوا څخه هم لېدنه وکړه.
