د وسلوال پوځ لوی درستیز د هوايي ځواکونو عمومي قوماندان معرفي کړ
د ملي دفاع وزارت لوی درستیز قاري فصیح الدین «فطرت» د ځانګړو مراسمو په ترڅ کې د هوايي ځواکونو عمومي قوماندان مولوي امان الدین «منصور» معرفي کړ.
د وسلوال پوځ لوی درستیز د هوايي ځواکونو د ستایینې تر څنګ وویل: «په بهر کې مېشت پيلوټان او د هوايي ځواکونو عمله کولاى شي چې بېرته خپلو کورونو او دندو ته ستانه شي، دوې د خپل هېواد او نظام په جوړولو کې ونډه واخلي، ځکه چې دوې ته هېڅ خطر نشته او د اسلامي امارت ځواکونه د افغانانو د ژوند او مال ساتنه کوي.»
همدا راز د هوايي ځواکونو عمومي قوماندان وويل: «د هېواد هوايي ځواک په کلک هوډ او ارادې سره د هېواد او خلکو د چوپړ لپاره چمتو دى او هغه منسوبين چې دند یې پريښې دي په ازادانه ډول خپلو دندو ته بیرته ستانه شي.
