د وسله وال پوځ لوی درستیز د امنیتي وضعیت د څېړلو په موخه بغلان ولایت ته ولاړ
د وسله وال پوځ لوی درستیز ستر جنرال محمد یاسین "ضیا" د دفاعي او امنیتي ځواکونو د ملاتړ، ستاینېاو د امنیتي وضعیت څېړلو او د نویو امنیتي پلانونو د تطبیق په موخه بغلان ولایت ته سفر وکړ.
د وسله وال پوځ لوی درستیز یاد ولایت کې د نویو پلانونو او امنیتي وضعیت لا ټينګښت په موخه د والي او ارشد امنیتي مسولانو سره بحث او خبرې وکړې.
نوموړي د دفاعي او امنیتي ځواکونو د اتلولیو او سرښندنو ستاینه وکړه او امنیتي مسولینو ته یې لارښوونه وکړه، چې د بغلان او شمال لویې لارې د امنیت ټينګښت په موخه نوي امنیتي پلانونه ترسره کړي، د خلکو څخه ساتنه وکړي او هېڅ چاته اجازه ورنکړي چې هېوادوالو ته زیان ورسوي.
بغلان ولایت کې چې سلګونه ځوانان د ملي اردو لیکو سره یو ځای شوي دي، د وسله وال پوځ لوی درستیز ستر جنرال محمد یاسین ضیا د دوی هر کلی وکړ او ټينګار یې وکړ چې د افغانستان د سولې او دښمنانو پر وړاندې د دفاعي او امنیتي ځواکونو په کلکه ملاتړ کوو او هېڅ چا ته به اجازه ورنکړي چې هېوادوالو ته زیان ورسوي.
