د هېواد د خپلواکۍ د بيرته اخستلو د ورځې په مناسبت د ګډو جګړه اييزو تعليماتو په قوماندانۍ کې پوځي تطبيقات تر سره شول
کابل د ګډو جګړه ايزو تعليماتو په قوماندانۍ کې، د ملي امنيت سلاکار حمدالله محب، د ملي دفاع سرپرست وزير اسدالله خالد، د مسلحو ځواکونو لوي درستيز محمد ياسين ضيا، د کورنيو چارو سرپرست وزير مسعود اندرابي، د کابينې او پارلمان غړو، په کابل کې د بهرنيو هېوادونو پوځي اتشو او د مدني ټولنو غړو په حضور کې پوځي لوي تطبيقات ترسره شول.
د افغانستان اسلامي دولت ولسمشر محمد اشرف غني په يو ويډيويي پيغام کې د دفاعي او امنيتي ملي ځواکونو ستايينه وکړه او وويل يي:" تاسو د تروريزم پر وړاندې په مقدمه کرښه جنګيږۍ او د دې سرښندنو پايله ده، چې تاسو د بهرنيو متجاوزينو په وړاندې دوې ته غاښ ماتوونکى ځواب ور کړى دى."
په دې تطبيقاتو کې ځمکنيو، کمانډو، د پوليسو او ملي امنيت ځانګړو ځواکونو او هوايي قواوو د مډرنو درنو او سپکو وسلو وړتيا وښوده.
د ملي امنيت سلاکار ، د ملي دفاع سرپرست وزير، د وسلوالو ځواکونو لوي درستيز او د کورنيو چارو سرپرست وزير په دې پوځي تطبيقاتو کې د دفاعي او امنيتي ملي ځواکونو له کړنو ستايينه وکړه.
