د هرات په سل بستریز سیمه ایز روغتون کې د دفاعي او امنيتي ملي ځواکونو له ټپیانو د ملي دفاع وزارت د لومړي مرستیال لیدنه او عیادت
د ملي دفاع وزارت لومړي مرستیال شاه محمود میاخیل د هرات ولایت د سل بستریز په سیمه ایز روغتون کې د دفاعي او امنيتي ملي ځواکونو د بستري ناروغانو او ټپیانو عیادت وکړ.
د ملي دفاع وزارت لومړي مرستیال د سولې او آرامتیا او د خلکو د ځان او مال د دفاع په موخه د دفاعي او امنيتي ځواکونو د زړورو سرتیرو او منسوبینو له سرښیندو او اتلولیو چې خپل ځانونه يې سپر ګرځولي او په مېړانه دفاع کوي ستاینه او مننه وکړه.
د ملي دفاع وزارت لومړي مرستیال د همدردۍ او عیادت په خوا کې پر بستري ناروغانو او ټپیانو یوه اندازه نقدي مرستې هم وویشلې.
