د ملي دفاع وزیر په وروستیو نښتو کې د کمانډویانو له وروستیو بریاوو څخه په ستاینې سره، هغوی یې د دښمن د سترګو اغزي یاد کړل
د ملي دفاع وزیر ستر جنرال اسدالله "خالد" نن مازدیګر، د ۴۳۷ تنه افسرانو، بریدملانو او سرتیرو چې د کمانډو د تقویتي کورس له مسکلي او تاکتیکي پرمختللو تعلیماتو وروسته نن خپل فراغت جشن نیولی وو، ګډون وکړ.
د ملي دفاع وزیر د کمانډویانو فراغت یې دوی ته مبارکي وویلې او هغوی یې له هېواد څخه د خپلواکه دفاع لوی مسوولیت ته متوجه کړل او زیاته یې کړه: تاسو له دښمن سره په مخامخ جګړه کې ثابته کړه چې د هېواد له هرې لویشتې خاورې څخه ساتنه کوئ او د جګړې په ډګر کې ستاسو په حضور سره د دښمن ځان لړزیږي.
د ځانګړو عملیاتو د قول اردو قوماندان تورنجنرال هیبت الله علیزی ددغو کمانډویانو فراغت په اوسنیو شرایطو کې د ارزښت وړ وباله وې ویل: کمانډویان او ځانګړي قطعات په هېواد کې د سولې او ټیکاوو لپاره جنګېږي او هر ډول قربانۍ ته آماده دي.
ددغه پروګرام په یوه برخه کې د ځانګړو عملیاتو قوماندان برید جنرال هیبت الله علیزي او د ۷۷۷ هوایي لوا قوماندان برید جنرال زیارمل پیلوټ ته د جمهوري ریاست د عالي مقام په منطورۍ د ملي دفاع وزیر له لوري د تورنجنرالۍ رتبې تفویض شوې.
همداراز د ځانګړي عملیاتو قول اردو د ۲۱ قوماندانو د زحماتو او لاسته راوړنو په ویاړ دوی د "مېړانې" ځانګړي مډالونه تفویض شول.
