د ملي دفاع وزارت سرپرست د پکتیا په ځاځي اریوب کې له سرحدي پوستو څخه لیدنه وکړه
د ملي دفاع وزارت سرپرست وزیر مولوي محمد یعقوب "مجاهد" په داسې حال کې چې د ۲۰۳ منصوري قول اردو درستیزوال او د دغې قول اردو د دویمې سرحدي لوا قوماندان یې ملتیا کوله تیره ورځ د پکتیا په ځاځي اریوب ولسوالۍ کې د ډیورنډ فرضي کرښې په اوږدو کې له سرحدي پوستو څخه لیدنه وکړه.
د ملي دفاع وزارت سرپرست وزیر د مجاهدینو جګړه ییز احضارات له نږدې ولیدل، د هغوى ستونزې يې واورېدې، د يادو ځواکونو د کار او فعاليتونو د ستاينې ترڅنګ يې د ستونزو د حل په موخه لازمې لارښوونې وکړې او پرسونل یې په نغدې ډالیو وهڅول.
