د لوی درستیز مرستیال په مشرۍ د ملي دفاع وزارت د امنيت او حمايې لوا کې اصلاحي غونډه جوړه شوه
د لوی درستیز مرستیال حاجي مالي خان "صديق" د ستر درستيز د امنيت او حمايې لوا د جزوتامونو له مسؤلینو او مجاهدینو سره په اصلاحي غونډه کې ګډون درلود.
د ستر درستيز مرستیال مجاهدينو ته د توصيې ترڅنک د اسلامي شریعت په چوکاټ کې د سيرت او صورت د جوړولو سپارښتنه وکړه او د مشرانو د حکمونو په اطاعت یې ټینګار وکړ.
په دې کتنه کې د ملي دفاع وزارت د عقيدتي او فرهنګي چارو رئيس مولوي نور محمد "متوکل" هم د مجاهدينو د سيرت او څېرې په اصلاح او د اميرالمؤمنين "حفظه الله" د سپارښتنو او ارشاداتو پر عملي کولو ټينګار وکړ.
همدا راز د ملي دفاع وزارت د ستر درستيز د امنيت او حمايې لوا قوماندان حاجي ملا محمد عیسی "یاسین" د مجاهدینو بریا د الهي نصرت، د مشرانو اطاعت او د خدای (ج) په دربار کې په عاجزۍ او تقوا سره دريدنه، د فتحې سبب وګڼله.
