دملي دفاع او کورنيو چارو وزارتونو سرپرست وزيرانو څخه د تخار ولايت عزتمند ولس تود هرکلی
نن له غرمې وروسته د ملي دفاع وزارت سرپرست وزیر اسدالله خالد، د کورنیو چارو وزارت سرپرست وزیر مسعود اندرابي او د سیمه ایزو ارګانونو رییس عبدالمتین بیک د تخار ولایت د امنیتي وضعیت د ارزونې په موخه یاد ولایت ته تللي دي.
د ملي دفاع وزارت سرپرست وزیر سر بیره پر دې چې د تخار ولایت والي، د امنیتي او دفاعي ځواکونو له قوماندانانو سره لیدلي د یاد ولایت له اوسیدونکو سره هم ناسته کړې او د تخار ولایت پتمن ولس له خوا د دوی تود هر کلی شوی دی.
د تخار ولایت اوسیدونکو د امنیتي او دفاعي ځواکونو د چټک غبرګون چې د خلکو د ځان او مال د ساتنې لپاره یي د ترهګرو پر وړاندې تر سره کړ، خوښي څرګنده کړه او د دفاعي او امنیتي ځواکونو له مشرتابه یې ځانګړې مننه وکړه.
