بګرام کې د لويې پوځي رژې په تر سره کولو د امریکا د ويستلو لومړۍ کلیزه ونمانځل شوه

s.mohmand
چهارشنبه ۱۴۰۱/۶/۹ - ۲۲:۲۱
بګرام کې د لويې پوځي رژې  په تر سره کولو د امریکا د ويستلو لومړۍ کلیزه ونمانځل شوه

نن د وږي نهمه له افغانستان څخه د نړۍ د ستر زبرځواک، امریکا او ناټو د وروستیو سرتیرو د ماتې او ذليله وتلو له لومړۍ کلیزې سره برابره ده.

په همدې ورځ د اسلامي امارت مجاهدینو د امریکا او د هغو د انډیوالانو پر وړاندې له شل کلنې سرښندنې او قربانيو وروسته د اشغال لمن ور ټوله او اشغالګر یې له خپل هېواده وشړل.

په همدې مناسبت د ملي دفاع وزارت د افغانستان د خلکو د اتلوليو، زړورتیاوو او سرښندنو د درناوي په خاطر د بګرام په پوځي اډه کې، پوځي پریډ ترسره کړ او د هېواد د پليو، سپرو او هوايي ځواکونو په وړتیاوو ښودلو سره يې نمانځنه تر سره کړه.

د امریکا او د هغوی د متحدینو د ماتې د لومړۍ کلیزې په مناسبت په دغه پوځي پریډ کې دولتي لوړ پوړو چارواکو، جلالتمآب رئيس الوزرا ملا محمد حسن "آخند"، د ملي دفاع وزارت سرپرست وزير مولوي محمد یعقوب "مجاهد"، د وسلوال پوځ لوی درستيز قاري فصيح الدين"فطرت"، حکومت د کابينې غړو، د بعضي خارجي هېوادونو ډيپلوماټانو، رئيسانو، منسوبينو او يو شمېر نورو مجاهدينو شتون درلود، ونمانځل شوه.

دغه ستره پوځي غونډه داسلامي امارت د جلالتمآب رئیس الوزرا په وينا او مبارکۍ سره پيل شوه.

ورپسې د ملي دفاع سرپرست وزير د پوځي تشريفاتو او د قطعاتو له معاینه کولو وروسته د مبارکۍ پیغام ولوست او د اسلامي امارت جلالتمآب رئيس الوزرا ته یې د ډاډګېرنې مراتب وړاندې کړل.

مجاهدین په جهادي بڼه، د ځانګړو عملیاتو کنډک، د ملي نظامي اکاډمۍ محصلین، د پليو، سپرو، هوايي ځواکونه او نورو قطعات په ځانګړي نظامي نظم او ډسپلین د لوژ مخې ته د احترام په وړاندې کولو سره تیر شول او خپلې وړتياوې یې نندارې ته وړاندې کړې.

همدا راز دغه مراسم له يرغلګرو څخه د ترلاسه شويو بېلابېلو زغروالو وسايطو، تجهيزاتو او پرمختللو وسلو په نندارې سره پاى ته ورسيدل.

وروستي خبرونه

سه‌شنبه ۱۴۰۱/۷/۱۲ - ۱۷:۰
Background image

د ملي دفاع سرپرست وزير په مشرۍ د ملي دفاع وزارت مجاهدینو د رتبو د تثبيت کميسیون د غونډې په ترڅ کې په رسمي توګه په کار پیل وکړ

نن چې د ملي دفاع وزارت سرپرست مولوي محمد يعقوب "مجاهد" په مشرۍ، مجاهدينو د رتبو د تثبيت کمېسيون غونډه جوړه شوې وه؛ په ​​رسمي توګه يې خپل کار پیل کړ.

په دې غونډه کې د ملي دفاع وزارت د. . .

سه‌شنبه ۱۴۰۱/۷/۱۲ - ۱۳:۳۶
Background image

د ملي دفاع وزارت د ستراتيژي او پاليسۍ مرستيال د ٣١٣ مرکزي قول اردو څخه ليدنه وکړه

د ملي دفاع وزارت د ستراتيژي او پاليسۍ مرستيال مولوي محمد قاسم فريد او ورسره مل پلاوي د ٣١٣ مرکزي قول اردو څخه لیدنه وکړه.

مولوی محمد قاسم په دی سفر کی د یادې قول اردو له قوماندان مولوي. . .

دوشنبه ۱۴۰۱/۷/۱۱ - ۱۶:۳۷
Background image

د ملي دفاع سرپرست وزیر د عمر ثالث فرقې او د بدخشان له سرحدي نقطو څخه لیدنه وکړه

د ملي دفاع وزارت سرپرست وزير مولوي محمد یعقوب "مجاهد" د دوه ورځني سفر په ترڅ کې بدخشان ولایت ته ولاړ او د دغه ولایت  ۲۱۹ عمر ثالث فرقې له مسؤولینو او نظامي منسوبینو سره یې وکتل.

ورپسې. . .

بېرته خبرونه ته