د ملي دفاع وزارت لومړي مرستیال د ننګرهار ولایت د امنیتي وضعیت د ارزونې په موخه یاد ولایت ته سفر وکړ
د ملي دفاع وزارت لومړي مرستیال شاه محمود "میاخیل" د ننګرهار ولایت د امنیتي وضعیت د ارزونې او د اړوندو ادارو تر منځ د لا ښې همغږۍ د رامنځته کېدو په موخه دغه ولایت ته سفر وکړ.
د ملي دفاع وزارت لومړي مرستیال د ننګرهار له والي ضیاالحق "امرخېل"، د ۲۰۱ سیلاب قول اردو قوماندان، د ننګرهار امنیه قوماندان او نورو سیمه ییزو امنیتي چارواکو سره د یاد ولایت د امنیتي پلان پر تطبیق بحث او خبرې وکړې.
د ملي دفاع وزارت لومړي مرستیال د امنیتي راپور تر اوریدو وروسته، اړوندو امنیتي چارواکو ته لازم هدایت صادر کړل او ددغه ولایت د دفاعي او امنیتي ارګانونو تر منځ د لا ښې همغږۍ په رامنځته کېدو ټینګار وکړ.
