د ملي دفاع وزارت سرپرست د ۲۰۳ تندر قول اردو ۱۰۰ بستریز ساحوي روغتون کې د دفاعي او امنیتي ځواکونو د ټپی ناروغانو عیادت وکړ
د ملي دفاع وزارت سرپرست ستر ستر جنرال بسم الله “محمدي” نن د پکتیا ولایت ته د خپل سفر په دوام کې د ۲۰۳ تندر قول اردو ۱۰۰ بستریز ساحوي پوځي روغتون د دفاعي او امنیتي ځواکونو له بستر شویو ناروغانو څخه عیادت وکړ.
ملي دفاع وزارت سرپرست د دفاعي او امنیتي ځواکونو د اتلولیو او سرښندنو چې خپل خوږ ځانونه یې د سولې او ثبات لپاره قربان کړي دي قدرداني وکړه او د هغوی کړنې یې د راتلونکي نسل لپاره د ویاړ وړ وبللې.
د ملي دفاع وزارت سرپرست ستر جنرال بسم الله محمدي د یاد روغتون مسوولانو ته لارښوونه وکړه چې د ټپیانو د درملنې په برخه کې له ټولو امکاناتو څخه استفاده وکړي.
