د ملي دفاع وزارت د ښوونیزو او تحصیلي مراکزو نصاب ارزول کیږي
د افغانستان د جګړې د اړتیاوو پر بنسټ، د ښوونیزو او تحصیلي موسسو د درسي مفرداتو د پلي کېدو په موخه د مارشال فهیم ملي دفاع پوهنتون د ټولو استادانو او علمي پلاوي په ګډون یو ورځنی سیمینار جوړ شو.
په دغه سیمینار کې چې د پرسونل او ښونې په چارور کې د ملي دفاع وزارت مرستیالې هم ګډون درلود ټینګار وشو چې ژر تر ژره دې د درسي نصاب د تصحیح، بیا کتنې او تعدیل په برخه کې عملي ګام پورته شي.
په دې سیمینار کې د پرسونل او ښوونې په چارو کې د ملي دفاع وزارت مرستیالې منیرې "یوسف زاده" ټینګار وکړ چې د ښوونیزو او تحصیلي بسټونو ارزونې ته په پام سره چې د ملي دفاع وزارت د محترم مقام د امر پر بنسټ ترسره شوی، ډیر ژر به د ښوونیز نصاب په بیا کتنې او پراختیا کار پیل شي.
په پای کې، اغلې یوسف زاده د ملي اردو په ښوونیزو او تحصیلي مراکزو کې د مسوولینو له نه ستړي کېدونکو هڅو مننه وکړه او په دې برخه کې د لا زیاتو هڅو او پاملرنې غوښتونکې شوه.
