د ۲۰۵ البدر قول اردو لپاره نوی قومندان معرفي شو
د ا.ا.ا زعیم حفظه الله د حکم پر اساس د ۲۰۵ البدر قول لپاره ملا احمدشاه "دیندوست" د نوي قومندان په حیث ټاکل شوی وو، نن ملي دفاع وزارت مرستیال الحاج ملا محمد فاضل "مظلوم" او د ستر درستیز مرستیال حاجي مالي خان "صدیق" له لوري رسما معرفي شو.
مسؤلینو په دغه معرفت غونډه کې وویل: چې په نظام کې تغیر او تبدیل یو اصل دی، او د اسلامي نظام د پایښت لپاره ترسره کیږي او نوی قوماندان ته یې د ښه خدمت کولو په موخه اړینې سپارښتنې وکړې.
په پای کې نوي قوماندان ملا احمد شاه "دیندوست" د مسؤلینو له باور کولو څخه مننه وکړه او هغوی ته یې د ښه خدمت کولو ډاډ ورکړ.
