د وسله وال پوځ د لوی درستیز مرستیال پکتیا ته ولاړ
![د وسله وال پوځ د لوی درستیز مرستیال پکتیا ته ولاړ](/sites/default/files/2024-03/photo_2024-03-20_04-20-23.jpg)
د ملي دفاع وزارت رهبري د هدایت پر اساس د هېواد د وسله وال پوځ د لوی درستیز مرستیال حاجي مالي خان "صدیق" د وضعیت ارزونې په موخه د پکتیا ولایت ډنډ پټان ولسوالۍ ته ولاړ او هلته یې په فرضي کرښه کې د ملي اسلامي اردو منسوبینو د پوستو څخه لیدنه وکړه.
پاکستاني لوري ته د ملي اسلامي اردو ځواکونو له لورې د جدي خبرداري او بېړني ضرب الاجل د ټاکلو له امله، اوس مهال په سیمو کې نښتې کمې شوې دي، د وسله والو ځواکونو د لوی درستیز مرستیال یرغلګرو ته د خبرداري په پیغام کې وویل: «موږ د جګړې طرفدار نه یو، که زموږ د خاورې په یو کونج کې کوم فایر وشي، نو زموږ تجربه لرونکي ځواکونه بې پروا نه دي او په عاجله توګه به هغوی ته ځواب ورکوي».