د تخار ولایت په ولسي غونډه کې د وسلوال پوځ لوی درستیز "مونږ په سیمه کې د یو قوي او ځواکمن اسلامي نظام استحکام ته ژمن یو
نن ورځ د وسلوال پوځ لوی درستیز الحاج قاری فصیح الدین "فطرت" د هیواد شمال زون تخار ولایت ته د یو سفر په ترڅ کې د ( هوسا ملت او مسؤل نظام ) تر عنوان لاندې ولسي غونډې په مراسمو کې ګډون او خبرې وکړې.
په دغه غونډه کې د وسلوال پوځ لوی درستیز د وروستي اشغال په وړاندې د مجاهدینو د مبارزې یادونه وکړه او همدا راز ولس ته یې ډاډ ورکړ او زیاته یې کړه چې مونږ په سیمه کې د یو قوي او ځواکمن اسلامي نظام استحکام ته ژمن یو.
لوی درستیز د خپلو خبرو په دوام هغو کسانو ته چې د هېواد په چارو کې د استعمار او لاسوهنې فکر کوي، وویل: د دې هېواد مسلمان او خپلواک ملت د پردیو استعمار نه شي زغملی، له نړۍ مو غوښتنه دا ده، چې د افغانستان په چارو کې له لاسوهنې ډډه وکړی.
همدا راز په دغه مراسمو کې د اطلاعاتو او فرهنګ وزارت سرپرست وزیر، مجاهدينو او د یاد ولايت بېلابېلو خلکو هم ويناوې وکړې.
