په کابل کې د چین له نوي سفیر سره د ملي دفاع وزارت د سرپرست تعارفي لیدنه!
د ملي دفاع وزارت سرپرست اسدالله خالد، نن له غرمې مخکې د افغانستان لپاره د چین له نوي سفیر ښاغلي “وانګ یو” سره د ملي دفاع وزارت په مقر کې تعارفي لیدنه وکړه.
په دې لیدنه کې، دواړو خواوو همداراز د افغانستان د امنیتي وضعیت، د سولې پروسې او له افغانستان سره د چین د مرستو په تړاو بحث او خبرې وکړې.
د ملي دفاع وزارت سرپرست اسدالله خالد، افغان امنیتي ځواکونو سره د چین له همکاریو مننه وکړه.
د چین سفیر ټینګار وکړ چې هېواد به یې له افغانستان سره خپلو مرستو ته همداراز دوام ورکړي.
