هرات ولایت ته د ملي دفاع وزارت د لومړي مرستیال شاه محمود میاخیل سفر
د ملي دفاع وزارت لومړی مرستیال شاه محمود میاخیل د هېواد د لویدیځ زون د امنیتي وضعیت د ارزونې په موخه هرات ولایت ته سفر وکړ.
د ملي دفاع وزارت لومړي مرستیال په اوپراتیفي او تاکتیکي سطحو کې د لا ښې همغږۍ, په بیلابیلو برخو کې د تجربې او مسلک پر بنسټ د ماهر بشري ځواک په ګمارنې ټنګار وکړ.
هغه وویل:" د ملي دفاع وزارت رهبري د خپلو ټولو زړورو سرتیرو او منسوبینو څخه چې په سنګرونو کې د خلکو د مال او ځان د خوندیتوب په موخه جنګیږي قدر دانې او ستایینه کوي او د دښمن وضعیت له هغې خورا کمزوری دی چې دوی تبلیغ کوي."
همدا راز د ملي دفاع وزارت لومړي مرستیال د ۲۰۷ ظفر قول اردو له سرتیرو او منسوبینو سره په لیدنه کې د هغوی ستونزې او مشکلات واوریدې او ژمنه یي وکړه, چې د ملي دفاع وزارت رهبري به د دوي د ستونزو د حل په موخه کوټلي او هر اړخیزه اقدامات کوي.
