د هېواد د دفاعي او امنیتي ارګانونو له متقاعدو افسرانو او جنرالانو سره د ملي دفاع وزارت د لومړي مرستیال لیدنه
د ملي دفاع وزارت لومړي مرستیال شاه محمود "میاخیل"، د ملي دفاع او کورنیو چارو وزارتونو او د ملي امنیت د عمومي ریاست له یوشمیر متقاعدو افسرانو او جنرالانو سره ددغه وزارت په مقر کې ولیدل.
د ملي دفاع وزارت لومړي مرستیال د هېواد د دفاعي او امنیتي ځواکونو د متقاعدو افسرانو او جنرالانو له ګټورو سلا مشورو قدرداني وکړه وې ویل: د خلکو ملاتړ او د مشرانو سلا مشورې، د دفاعي او امنیتي ځواکونو د خدمت کولو انګیزه څو برابره کوي او هېواد ته د خدمت کولو په برخه کې لا زیات قوت ترلاسه کوي.
د هېواد د دفاعي او امنیتي ارګانونو متقاعدو افسرانو او جنرالانو هم د دفاعي او امنیتي ځواکونو په هر اړخیز ملاتړ، ښې حکومتولۍ، د اوسني نظام په ساتنې او د تیرو دوه لسیزو د لاسته راوړنو په ساتنې ټینګار وکړ.
