د ملي دفاع وزارت لومړي مرستیال د ٢٠١ خالد بن ولید قول اردو له لومړۍ سرحدي لوا څخه لیدنه وکړه
د ملي دفاع وزارت لومړي مرستیال الحاج ملا محمد فاضل مظلوم د خپل کاري سفر په ترڅ کې چې د ۲۰۱ خالد بن ولید (رض) قول اردو قوماندان او یو شمیر مسؤلینو یې ملتیا کوله د لومړۍ سرحدي لوا څخه لیدنه وکړه.
د ملي دفاع وزارت لومړي مرستیال په هغه غونډه کې چې د لوا په تالار کې نیول شوې وه ګډون وکړ او معرفت ترڅنګ يې د دوی د شل کلن جهاد لاسته راوړنو او زړورتیا وو یادونه وکړه او ويې ویل: دا نظام د زیاتو قربانیو په نتیجه کې لاسته راغلی موږ باید ددې شکرانه ادا کړو او په هر ډول شرایطو کې قربانۍ ته اماده ووسو.
په پای کې د ملي دفاع وزارت لومړي مرستیال په لومړۍ کرښه کې د ياد وزارت د ملي اسلامي اردو سرحدي منسوبينو ته، چې د هيواد له ځمکنۍ بشپړتيا څخه د دفاع کولو دنده په غاړه لري، د دغه وزارت د مشرتابه د ځانګړې پاملرنې څخه ډاډ ورکړ.
