د ملي دفاع وزارت سرپرست وزیر د حضرت عبدالله بن مسعود د جګړه ایرو ګډو زده کړو قوماندانۍ په فراغت غونډه کې ګډون وکړ
د تعلیماتو او پرسونل معنیت اړوند د حضرت عبدالله بن مسعود د جګړه ایزو ګډو زده کړو قوماندانۍ څخه ۱۲۲۵ تنه ځوان منسوبین د عسکرانو ښوونځۍ د اتمې دورې له پوځي بنسټیزو درې میاشتنیو نظري او عملي زده کړو څخه وروسته نن د یو لړ ځانګړو مراسمو په ترڅ کې فارغ شول.
دغو مراسمو کې د ملي دفاع وزارت سرپرست مولوي محمد یعقوب "مجاهد"، د اوبو او انرژۍ وزیر مولوي عبداللطیف "منصور" د تعلیماتو او پرسونل معین حافظ عبدالمجید، سرمفتش مفتي لطیف الله "حکیمي" او د ملي دفاع وزارت ګڼ شمېر مسؤلینو، مشرانو ګډون وکړ.
د ملي دفاع وزارت سرپرست وزیر مولوي محمد یعقوب "مجاهد" فارغانو ته د مبارکۍ ترڅنګ وویل: ستاسو بې نظمي د نظام بې نظمي ده کوشش وکړئ چې تل منظم اوسئ،
تاسو باید د بدني روزنې ترڅنګ فکري روزنه زده کړئ، تاسو مکلف یاست چې کومې زده کړې مو کړي دي روزانه یې تکرار کړئ.
او همدا راز مسؤلینو زیاته کړه زموږ او ستاسو نیت به د اعلاء کلیمة الله لپاره وي، د هیواد په دفاع او ساتنه کې د هر ډول کوشش دریغ ونکړئ تاسو باید خپل قوت او عزمت برحاله وساتۍ، د بیت المال په ساتنه کې کوشش وکړئ تر څو ضایع نشي، د ملت سره ښه سلوک وکړئ او اعتماد یې ترلاسه کړئ.
په پای کې یادو فارغانو د هیواد په هر ګوټ کې خدمت کولو ته یې چمتوالی وښود، غونډه فارغانو ته د بری لیکونو په ورکولو سره پای ته ورسېده.
