د ملي دفاع وزارت سرپرست د چین له سفیر سره په کابل کې وکتل
د ملي دفاع وزارت سرپرست وزیر مولوي محمد یعقوب"مجاهد" د چین له سفیر جاوشینګ سره په خپل کاري دفتر کې وکتل. د ملي دفاع وزارت سرپرست د دواړو هیوادونو ترمنځ ډیپلوماتیکې، تجارتي او اقتصادي همکارۍ یو مثبت ګام ياد کړاو زیاته یې کړه: افغانستان او چین د دواړو ګاونډیو هيوادونو ترمنځ د اړیکو ټینګښت په برخه کې څرګند مشترکات لري، د چین لخوا په افغانستان کې سرمايه ګذارۍ او اقتصادي پروژو ملاتړ کوم او د امنیت د ټینګښت په برخه يې يو ځل بيا ډاډ ورکړ. دغه راز د چین سفیر په افغانستان کې سرتاسري امنیت داقتصادي او سوداګریزو پروژو له لپاره یو مهم فرصت ياد کړ او زیاته یې کړه: چین له سیاستونو سره د نه مداخلې، خپلو تاريخي همکاریو ته دوام ورکوي او په تجارتي، اقتصادي مسایلو او نورو ورته برخو کې همکاري کوي. دواړو لورو د سرحدي ستونزو او واخان پروژې په اړه د نظر تبادله وکړه.
