د ملي اسلامي اردو د ۱۰۰ تنه مفتيشينو اصلاحي سېمینار د ملي دفاع وزارت سرپرست وزیر په شتون کې پای ته ورسید
د ملي دفاع وزارت د تفتيش رياست له لوري اصلاحي درې ورځني سيمينار څخه د ملي اسلامي اردو د ۱۰۰ تنو مفتشینو د فراغت مراسم نن د ملي دفاع وزارت سرپرست مولوي محمد يعقوب "مجاهد" په شتون کې ولمانځل شو.
د ملي دفاع سرپرست وزیر چې په دې مراسمو کې یې وینا کوله، د ملي اردو په قطعاتو او قطعاتو کې د مفتشینو د کړنو له فعالیتونو څخه د قدردانۍ ترڅنګ مفتشین يې د يوې ټولنې د اردو سترګې او غوږونه وبلل، د سیمینار له ګډونوالو څخه یې وغوښتل، چې په ورسپارل شویو دندو کې ځانګړې پاملرنه وکړي او د ولس او نظام په خدمت کې له هېڅ ډول کوښښ څخه ډډه ونه کړي.
غونډه فارغانو ته د سندونو په ورکولو سره پای ته ورسیده.
