د متحده عربي اماراتو د دفاع له وزیر سره د هېواد د ملي دفاع وزارت د سرپرست لیدنه!
د ملي دفاع وزارت سرپرست اسدالله خالد متحده عربي اماراتو ته د سفر په ترڅ کې په دبی کې د اماراتو د دفاع له وزیر محمد البواردي سره وکتل.
په دې لیدنه کې، اسدالله خالد له خپل اماراتي سیال سره د امنیتي او له تروریزم سره د مبارزې پر مساییلو بحث او خبرې اترې وکړې.
د متحده عربي اماراتو د دفاع وزیر وویل چې هېواد یې چمتو دى څو مرستې او همکارۍ یې له افغانستان سره دوام ولري.
د ملي دفاع وزارت سرپرست، له افغانستان سره د متحده عربي اماراتو له مرستو او همکاریو په مننې سره، د دواړو هېوادونو د اړیکو پراخوالی یې مهم او با ارزښته وباله.
