د امنیتي او تصفیوي چارو کمیسیون د حکومت د رسنیو په مرکز کې خپل خبري کنفرانس وړاندې کړ
د افغانستان اسلامي امارت د امنیتي او تصفیوي چارو د کمیسیون رئیس او غړو یې د حکومت د رسنیو په مرکز کې د امنیتي وضعت په هکله خپل خبري کنفرانس وړاندې کړ.
په دغه کنفرانس کې د ملي دفاع وزارت سرپرست وزیر او د امنیتی او تصفیوي چارو کمیسیون رئیس مولوي محمد یعقوب "مجاهد"، د چارو ادارې استازي مولوي سیف الدین "تائب"، د سترې محکمې استازي مفتي محمد ابراهیم جان "ابوالحافظ"، د عمومي استخباراتو استازي الحاج ملا رحمت الله "نجیب"، د احکامو او فرامینو د نظارت رئیس مولوي شمس الدین "پهلوان" ګډون کړی وو.
په دغه خبري کنفرانس کې د هیواد د امنیتي وضعیت په هکله رسنیو او ولس ته هر اړخیز معلومات وړاندې شول او په پای کې د رسنیو د استازو اړوند پوښتنو ته ځوابونه هم وویل شول.
