دفاعي او امنیتي ځواکونه د سولې اصولو او پروسې ته ژمن دي
د ملي دفاع وزارت لومړي مرستیال شاه محمود "میاخیل" پرون ماښام «په افغانستان کې د پوځي اتشو انجمن» سره په ناسته کې، چې په کابل کې د هند په سفارت کې د یوشمیر هېوادونو د پوځي اتشو په ګډون جوړه شوې وه وکتل او په خپلو خبرو کې د "سولې او جګړې" په اړخونو تفصیلي بحث وکړ.
د ملي دفاع وزارت لومړي مرستیال وویل: د افغانستان د اکثریت ولس اصلي غوښتنه دایمې اوربند دی؛ طالبان باید د ولس دغه غوښتنه ومني او له تاو تریخوالي لاس واخلي.
همدا راز د ملي دفاع وزارت لومړي مرستیال د دفاعي او امنیتي ملي ځواکونو د سولې او امنیت د لا ټېنګښت په موخه د ژمنتیا ډاډ ورکړ.
هغه وويل: اوس مهال د افغانستان دفاعي او امنیتي ځواکونه د خلکو د مال او ځان ساتنې له پاره په هر حالت کې پوره چمتووالی لري.
