۲۱۷ پامیر قول اردو ښوونیز مرکز څخه تازه دمي سرتیري فارغ شول
۲۱۷ پامیر قول اردو ښوونیز مرکز څخه د ملي اردو ۳۰۰ تازه دمي سرتیري د یو لړ بنسټیزو پوځي زده کړو وروسته نن فارغ شول.
دغو سرتیرو د فراغت په مراسمو کې، دقول اردو مرستیال جنرال ادم خان "متین" او د قول اردو د ښوونې او روزنې مسولینو افسرانو، برید ملانو او سرتیرو ګډون درلود.
یادو مراسمو کې د قول اردو مرستیال د مبارکۍ ترڅنګ وویل:" ملي اردو تازه دمو ځواکونو تل د بنسټیزو پوځي زده کړو وروسته د نورو ورنو ترڅنګ د هېواد او خلکو د ساتنې په برخه کې یو ځای شوي او دښمن پر وړاندې مبارزه کوي.
دغو تازه فارغ شویو ځواکونو ډاډ ورکړ چې په هېواد کې به د تل پاتې سولې او ارامتیا د ټینګښت په موخه په ټول ځواک او توان سره هڅه وکړي او هېڅ چاته به اجازه ورنکړي چې هېوادوالو ته زیان ورسوي.
