۲۰۳ تندر قول اردو ښوونیز مرکز څخه ۱۱۴۱ سرتېري فارغ شول
د ۲۰۳ تندر قول اردو ښوونیز مرکز څخه د ملي اردو ۱۱۴۱ تازه دمي سرتيري د یو لړ بنسټیزو پوځي زده کړو وروسته نن فارغ شول.
دغو سرتیرو د فراغت په مراسمو کې، دقول اردو قوماندان برید جنرال میرویس " صافی" او د قول اردو درستیزوال برید جنرال عبدالجمیل "مسافر" د ښوونې او روزنې مسولینو افسرانو، برید ملانو او سرتیرو ګډون درلود.
دغو مراسمو کې د قول اردو قوماندان د مبارکۍ ترڅنګ وویل:" موږ په افغانستان کې د باعزته سولې غوښتونکي یو، د هېواد او نظام ساتنې په موخه دښمن څخه په شجاعت دفاع کوو.
دغو تازه فارغ شویو ځواکونو ډاډ ورکړ چې په هېواد کې به د تل پاتې سولې او ارامتیا د ټینګښت په موخه په ټول ځواک او توان سره هڅه وکړي او هېڅ چاته به اجازه ورنکړي چې هېوادوالو ته زیان ورسوي.
