د پاکستاني رژیم له لوري په جبري توګه د افغان کډوالو ویستلو په تړاو د ملي دفاع سرپرست وزیر وینا

د پاکستان په ریژیم باندې غږ کوو چې هغوی باید افغانانو سره ظلم او زیاتی ونکړي، د هغوی شخصي مالونه ورڅخه وانخلي، د هغوی ملکیتونه ضبط نکړي، چې دا په هېڅ قانون کې په هېڅ اصول کې دوی نشي کولائ او د دې به پوښتنه کېږي، د دې به مونږ په ټول توان سره کوشش کوو، مخه به یې نیسو او په هېڅ صورت به اجازه نه ورکوو چې څوک زمونږ د افغان ورڼو ملکیتونه ضبط کړي، ورڅخه ویې ګرځوي، ورڅخه غلا یې کړي، د دې سره سره په نورو برخو کې په لارو کې، د راتګ په وخت په دروازو باندې ډېر ظلم ور سره روان دی چې باید ژر تر ژره دا ظلم باید ودرول شي، نړیوال متوجې کوو، ملګري ملتونه، خیریه بنسټونه او مئسوسات اسلامي کنفرانس ټول باید په پاکستان باندې ژغ وکړي، چې دغه حالت چې مهاجرینو سره روان دی، دا پای ته ورسوي؛
که چېرې مهاجرین خپل هېواد ته ستنوي هم هغوئ باید په ښه باعزته طریقه باندې هېواد راستانه شي، او خپل ټاټوبي ته راشي؛
پاکستانۍ ريژیم باید هغه څه وکړي څه چې کوي عواقب یې باید وسنجوي، دومره وکري چې بیا یې د ریبلو توان لري، چې دا اوسنی حالت چې روان دی دا له د دواړو هېوادونو ترمنځ اړیکې ډېرې ترینګلې کړي، حالت به ډېر یو خطرناک لوري ته یوسي، ژر تر ژره دوی باید د دغه ظلم او ناروا څخه لاس واخلي او کوم افغانان چې هېواد ته راځي باید اجازه ورکول شي چې په ښه عزت باندې خپل هېواد ته راستانه شي، مونږ مرحبا او لبیک ورته وایوو، او په خدمت کې به یې یوو؛
دا پرېکړه چې پاکستان د مهاجرینو په اړه کړې ده یو اړخیزه پرېکړه ده، مونږ ته په هېڅ صورت د منلو نه ده، مونږ هېڅ ور سره موافق نه یو، یو طرفه او ظالمانه پرېکړه ده، چې په افغانانو باندې تپل شوې ده، افغانان یې د ستونځو او مشکلاتو سره مخامخ کړي دي، دوی باید د دې شیانو عواقب وسنجوي، داسې کار ونکړي چې هغه د یو هېواد په ګټه هم نه وي.