د هېواد په شمال کې ۱۳۰۰ تنه ځوانان د ملي پوځ په لیکو کې ځای پر ځای شول!
۱۳۰۰ تنو ځوانانو د اوو اونیو پوځي زده کړو نه وروسته د ۲۰۹ شاهین قول اردو په ښوونيز پوځي مرکز کې د لوړې مراسم تر سره او د ملي پوځ په ۳۰۱ بنستيز کنډک کې ځای پر ځای شول. د ۲۰۹ شاهین قول اردو مرستیال جنرال آدم خان وویل، چې د خلکو او ملي ارزښتونو د ساتنې په موخه د ملي پوځ په لیکو کې ستاسو شتون زموږ او زموږ د غیور ملت لپاره د ویاړ ځای دی. ستاسو پر والدینو، چې ټولنې ته اتلان وړاندې کوي درود وایم.
دغه ۱۳۰۰ پوځیان به د بلخ ولایت په چهارکنت او بلخ، د سرپل ولایت په سوزمه کلا او د سمنګانو په روی دوآب او دره صوف پایین ولسواليو کې ځای پر ځای شي.
