د میدان وردګو لپاره د طالبانو د نومول شوي والي وژل کېدل
د تېرې اوونۍ د پنجشنبې په ورځ، یو شمیر طالبانو د میدان وردګو ولایت د "سیدآباد" ولسوالۍ د "پتان خیلو" په کلي کې د دفاعي او امنیتي ملي ځواکونو پر پوستو د برید پلان درلود، چې د دښمن ددغه شوم پلان له عملي کېدو مخکې، هوایي ځواک د فعالې دفاع په چوکاټ کې، هوایي ضربې اجرا کړې چې په پایله کې، د میدان وردګو لپاره د طالبانو د نومول شوي والي په حمزه مشهور "ولی جان" په ګډون ۵ تنه طالبان ووژل شول او ۸ نور یې ټپیان شول.
همداراز د طالبانو زیاته اندازه وسلې او مهمات د افغان ځواکونو لاسته لویدلي او د دښمن څو عرادې موټره هم ویجاړ شوي دي.
