د ملي دفاع وزارت سرپرست وزیر له ۲۰۹ الفتح قول اردو څخه لیدنه وڪړه
د ملي دفاع وزارت سرپرست وزیر مولوي محمد یعقوب "مجاهد" د ۲۰۹ الفتح قول اردو له رهبرۍ، د لواوو قوماندانانو، مسؤلینو او همدارنګه د یادې قول اردو د نظامي ښوونیز مرڪز له مجاهدینو سره ولیدل.
مولوي محمد یعقوب "مجاهد" مجاهدینو ته هر اړخیزه وینا وکړه او زیاته یې کړه: “چې د صف وحدت، د خپلو امیرانو اطاعت، د اسلامي نظام د استحکام او د خپلو اسلامي او ملي منافعو ساتنې ته ځانګړې توجو وکړئ”.
همدارنګه قدرمن وزیر صاحب د لواوو قوماندانو او مسؤلینو ته په خبرو کې وویل: چې د افغان ملت د هوساینې لپاره خپل ټول توان په کار واچوئ، او ژمنه یې وکړه چې هڅه کوو خپل ټول قطعات او جزوتامونه په پوره معنی اکمال کړو.
