د ملي دفاع وزارت سرپرست، د ناروې د دفاع له وزیر سره وليدل!
د هېواد د ملي دفاع وزارت سرپرست "اسدالله خالد"، د بروکسل ناستې په څنډه کې د ناروې شاهی هېواد د دفاع له وزیر "فرانک بک جسن" سره وکتل.
په دې لیدنه کې دواړو لورو له ترهګرۍ سره په ګډې مبارزې او له افغان دفاعي او امنيتي ځواکونو څخه د ملاتړ د دوام په ارزښت خبرې وکړې.
د ناروې د دفاع وزير وويل چې هېواد به يې په افغانستان کې خپلې، مرستې، همکارۍ او حضور زياد کړي.
د هېواد د ملي دفاع سرپرست وزیر، له افغانستان سره د دوست هېواد ناروې له شویو مرسته مننه وکړه او ټینګار یې وکړ چې د ناټو د عړو هېوادونو مرسته او همکاري له تروریزم سره په جګړې کې او د افغانانو د امنیت په ټینګښت مهم رول لوبوي.
