د ملي دفاع سرپرست وزیر د ترکیې له دفاع وزیر سره وکتل!
د ناتو غړو هېوادونو د دفاع له وزیرانو سره د لیدنې په دوام، د ملي دفاع سر پرست وزیر اسد الله خالد د ترکیې هېواد د دفاع له وزیر سره وکتل.
د ترکیې هېواد د دفاع وزیر هولوسي اکار له ترهګرو سره په جګړه کې د افغان ملي دفاعي او امیتي ځواکونو لاسته راوړنې او پیاوړتیا په خوښۍ سره یاد کړل او د خپل هېواد د مرستو په دوام یې ټینګار وکړ.
د ملي دفاع سر پرست وزیر اسد الله خالد له افغان ملي دفاعي او امنیتي ځواکونو سره د ترکیې د هېواد له پوځي مرستو څخه مننه وکړه او د دوامداره مرستو په اړه یې خوښي څرګنده کړه.
