د ملي دفاع سرپرست وزير اسدالله خالد د آسټراليا د فاع وزير سره وکتل
د افغانستان د ملي دفاع سرپرست وزير اسدالله خالد، د آسټراليا هيواد له دفاع وزيرې ميرمن لیندا رینولدز سره نن له غرمې ورورسته وليدل او د افغانستان پر امنيتي وضعيت، د سولې پر پروسې، د دوه اړخيزو اړيکو پر پراختيا، د ټروريزم پر ضد مبارزې او د افغان دفاعی او امنيتي ځواکونو سره د مرستې په اړه خبرې اترې وکړې.
د ملي دفاع وزارت سرپرست د آسټراليا هيواد له مرستو په خاص ډول د ملي اردو له هوائي څانګې سره د دوی له مرستو مننه وکړه او په راتلونکي کې يې دلا زياتو همکاريو غوښتنه وکړه.
په پای کې د آسټراليا دفاع وزيرې د مرستو د غځيدو له لړۍ د ملي دفاع وزارت سرپرست ته اطمينان ورکړ.
