د مسلحو ځواکونو لوی درستیز د عقیدتي او فرهنګي ریاست په سیمینار کې ګډون وکړ
د ملي دفاع وزارت ستردرستیز د عقیدتي او فرهنګي ریاست په شپږ ورځني سیمینار کې د مسلحو ځواکونو لوی درستیز الحاج قاري فصیح الدین "فطرت" ګډون وکړ.
دغه سیمینار د سیمیزو قطعاتو او جزوتامونو د عقیدتي او فرهنګي ۲۵۰ تنه مسؤلینو ته شپږ ورځې وړاندې د ظرفیت لوړولو په موخه پیل شوی وو، نن پای ته ورسېد.
د مسلحو ځواکونو لوی درستیز الحاج قاري فصیح الدین "فطرت" په خپله وینا کې یاد مسؤلین خپلو مسؤلیتونو ته متوجې کړل او زیاته یې کړه چې په تېر شل کلن اشغال کې مجاهدینو زحمتونه وګالل هیواد یې ازاد کړ او یو اسلامي نظام یې حاکم کړ، اوس زموږ ملي اسلامي اردو له خپلو ارزښتونو څخه په کلکه دفاع ته چمتو دي، الحمدلله زموږ ملي اسلامي اردو په عقیدوي لحاظ جوړه ده او د خپلو مشرانو اطاعت ته اماده ده.
