د مارشال محمد قسیم "فهیم"ملي دفاعي پوهنتون د قوماندانۍ له خوا د حربي ښوونځي د جدیدالشمولو آزمویینه واخستل شوه
د وږي په ۱۷ مه د دوشنبې په ورځ له غرمې مخکې, د ملي اردو د حربي زده کړو ښوونځي آزمويينه د ملي دفاع وزیر د تعلیماتو او پر سونل مرستیالې, د پوهنې وزارت نماینده, د ملي دفاع وزارت د شفافیت بورد کمیسیون او د ښوونې او روزنې د قوماندانۍ رهبرۍ له خوا په لار واچول شو.
په دې ازمویینه کې د ټول هېواد له نهم ټولګي فارغو ۳۷۵ تنو زده ګړیالانو د جلب او جذب کمیساریو له طریقه په رضا کارانه توګه د آزموېنې د ګډون فورم تر لاسه کړی وو.
د ملي دفاع وزارت او پوهنې وزارت د ګډې تفاهم نامې پر بنسټ, د محترم وزارت نماینده د شفافې ازموېنې د څارونکی په توګه حضور لره.
د آزموېنې له پیل مخکې د ملي دفاع وزارت د تعلیماتو او پرسونل مرستیالې د حربي ښوونځي د یوولسم او دولسم ټولګي د زده کړیالانو سره ولیدل, د درس بهیر یې له نږدې وڅاره د ښوونکو او زده کړیالانو له ستونزو خبر او د حل په موخه يې مسوول اشخاص مکلف کړل.
د یادولو ده, چې هر کال دا آزمویینه په پسرلې کې اخستل کیږي; ولې سږ کال د کرونا وبا ناروغتیا له امله ځنډیدلی وو, چې په خپله څلور اتیاوومه دوره کې به ۲۰۰ تنه جذب کړي.
